वैभव पाटील:जिल्हा प्रतिनिधी
पालघर तालुक्यातील सफाळा रेल्वेच्या पूर्वेकडे लालठाणे येथील 25 तरुण एकत्र येऊन दोन वर्षांपूर्वी जोगेश्वरी बचत गटाची स्थापना केली होती. दि. 25 डिसेंबर रोजी या बचत गटाला दोन वर्षे पूर्ण झाली त्यानिमित्ताने बचत गटाने शासनाच्या पाणी आडवा ,पाणी जिरवा या योजनेअंतर्गत एक वनराई बंधारा लालठणे येथे बांधण्यात आला त्यामुळे निश्चित भूजलाची पातळी वाढून परिसरामध्ये पाण्याचा साठा वाढणार आहे.तसेंच आज पर्यत या बचत गटाने अनेक समाज उपयोगी कार्य केले आहे.बहुजन सुखाय बहुजन हिताय या युक्तीप्रमाणे हा बचत गट दोन वर्ष झाली कार्य करत आहे.त्यामुळे त्यांच्यावर कौतुकाचा वर्षाव होत आहे. यावेळी बचत गटाचे अध्यक्ष संदीप भोईर, खजिनदार प्रफुल पावडे, सचिव जतीन पाटील , लालठाणे पोलीस पाटील संदेश पाटील, व सर्व सभासद उपस्थित होते.
