निखिल राजन घरत कनिष्ठ महाविद्यालय सफाळेचे दैदीप्यमान यश.

वैभव पाटील :प्रतिनिधी
दि.13 डिसेंबर : निखिल राजन घरत कनिष्ठ महाविद्यालय सफाळेचे कबड्डी संघाची मुंबई विभाग स्तरावर निवड तर खो खो स्पर्धेत तृतीय क्रमांकाची कामगिरी
पालघर क्रीडा संकुल येथे पार पडलेल्या 19 वर्षाखालील जिल्हास्तरीय कबड्डी स्पर्धेत मुलींच्या गटात सफाळ्याच्या निखिल राजन घरत कनिष्ठ महाविद्यालयाने विजेतेपद पटकावले.यामध्ये संघाने पालघर जिल्ह्यातील प्रत्येक विरोधी संघाला एकतर्फे मात देत जिल्ह्याचे विजेतेपद पटकावले.यांत संघाने अंतिम सामन्यात वाडा संघाचा 31-15 असा पराभव केला.
दरम्यान 19 वर्षाखालील खो खो स्पर्धेत मुलींच्या संघाने जोरदार कामगिरी करत तृतीय पारितोषिक पटकावले. त्यांनी तृतीय क्रमांकाच्या सामन्यात तलासरी संघांवर विजय मिळवला. तालुका स्तरानंतर जिल्हा स्तरीय स्पर्धेत तितकेच जोरदार यश मिळवल्याने महाविद्यालयावर कौतुकांचा वर्षाव होत आहे.तर राजगुरू ह. म .पंडित विद्यालय सफाळेच्या 14 वर्षा खालील मुलींचा संघ जिल्हा पातळीवर अंतिम विजता ठरला.शाळेने विजयाची परंपरा कायम ठेवल्याने मुलींचे व प्रशिक्षक रमाकांत घरत सर , विलास पाटील सर यांचे कौतुक होत आहे.