उपसंपादक: निलकंठ भोंग
विधानसभेचे विरोधी पक्षनेते अजित पवार यांनी मोरे कुटुंबाची त्यांच्या निवासस्थानी जाऊन भेट घेतली. यावेळी त्यांनी स्व.ज.मा मोरे यांच्या प्रतिमेला पुष्प अर्पण करून आदरांजली वाहिली.राष्ट्रवादी काँग्रेसचे अध्यक्ष तथा देशाचे माजी कृषिमंत्री शरदचंद्रजी पवार साहेब व ज.मा. मोरे यांची घनिष्ठ मैत्री सबंध महाराष्ट्राने पाहिली आहे. ज.मा.मोरे यांच्या प्रथम पुण्यस्मरणाच्या पूर्वसंध्येला विरोधी पक्ष नेते अजित दादा पवार यांनी मोरे कुटुंबाची निमगाव केतकी येथील निवासस्थानी भेट दिली.ज.मा मोरे यांचे प्रथम पुण्यस्मरण दि. २५. सप्टेंबर रोजी निमगाव केतकी येथील मोरे पेट्रोलियम जवळ असून राजकीय, सामाजिक, शैक्षणिक क्षेत्रातील अनेक दिग्गज या निमित्ताने स्व ज.मा मोरे यांना आदरांजली वाहण्यासाठी उपस्थित राहणार असल्याची माहिती पुणे जिल्हा राष्ट्रवादीचे युवक उपाध्यक्ष समीर मोरे यांनी दिली.यावेळी निमगाव केतकी येथील राष्ट्रवादी काँग्रेसचे पदाधिकारी तसेच नागरिक मोठ्या संख्येने उपस्थित होते.
