प्रतिनिधी:महेश सूर्यवंशी
भांबोरा,ता.कर्जत. राज्याचे उपमुख्यमंत्री अजितदादा पवार यांचे खंदे समर्थक आणि कर्जत जामखेड मतदार संघाचे आमदार रोहित पवार यांचे निकवर्तीय मानले जाणारे कर्जत तालुक्यातील नेते श्री.सागर बापूराव लोंढे यांची अहमदनगर जिल्हा राष्ट्रवादी युवक काँग्रेसच्या उपाध्यक्षपदी नियुक्ती करण्यात आली आहे. या अगोदर सागर लोंढे यांच्यावर तालुक्याच्या युवक उपाध्यक्षपदी जबाबदारी होती. या कार्यकालात वरिष्ठांच्या मार्गदर्शनाखाली तालुक्यातील युवकांना सोबत घेऊन बळकट पक्ष बांधणी करून पक्षाचे पाय रोवण्याचे काम त्यांनी केले आहे. याच कामाची दखल घेत पक्षश्रेष्ठींनी ही जबाबदारी त्यांच्यावर सोपवली आहे.
श्री सागर लोंढे यांच्या निवडीचे सर्व स्तरातुन स्वागत होत आहे. दरम्यान, नवनियुक्त जिल्हा उपाध्यक्ष सागर लोंढे यांनी, खा. शरद पवार यांचे विचार जोपासत जिल्ह्यात पक्षाचे बळकटीकरण करण्यासाठी प्रामाणिक प्रयत्न करू असा विश्वास व्यक्त करत, जिल्हाउपाध्यक्ष पदाची जबाबदारी दिल्याबद्दल सर्व पक्षश्रेष्ठींचे आभार व्यक्त केले.
