इंदापूर: राष्ट्रवादी काँग्रेस पार्टी शरद पवार पक्षाचे महाराष्ट्र प्रदेश अध्यक्ष जयंत पाटील व संसदरत्न खासदार सुप्रिया सुळे यांच्या मान्यतेने इंदापूर तालुका युवक उपाध्यक्षपदी शेखर जगन्नाथ गायकवाड यांची नियुक्ती करण्यात आलेली आहे. आज या नियुक्तीचे पत्र राष्ट्रवादी काँग्रेस पार्टी शरद पवार पक्षाचे कार्याध्यक्ष महारुद्र पाटील यांच्या हस्ते पक्ष कार्यालयात देण्यात आले.
शेखर गायकवाड हे मूळ सुरवड गावचे असून इंदापूर शहरांमध्ये सध्या ते वास्तव्य करत आहेत. अनेक सामाजिक कामात त्यांचा सहभाग असतो. यावेळी शेखर गायकवाड म्हणाले की, पक्ष वाढीकरता मी तन मन धनाने काम करेन. आगामी काळात पक्ष वाढीकरता संघटनात्मक काम करेल व दिलेल्या संधीचे सोने करेन. त्याचप्रमाणे शरदचंद्रजी पवार साहेब यांच्या विचारानुसार पुढील काळात संघटन मजबूत करत युवकांनी मध्ये पवार साहेबांचे विचार पोहोचवण्याचा प्रयत्न करेन.यावेळी अमोल भिसे,महारुद्र पाटील,अमोल मुळे,राजाराम सागर,गणेश देवकर,श्रीकांत मखरे, मयूर शिंदे इत्यादी पदाधिकारी उपस्थित होते.
