🩸 वाचवण्या कोणाचे तरी प्राण, घेऊ या आन, चला करूया रक्तदान, रक्तदान नव्हे हे जीवदान.
इंदापूर: अवसरी मध्ये प्रथमच ग्रामविकास प्रतिष्ठान अवसरी आणि शिंगटे हॉस्पिटल अवसरी यांच्या संयुक्त विद्यमानाने सोमवार दि. ३०|१| २०२३ रोजी सकाळी नऊ ते दुपारी तीन वाजेपर्यंत भव्य रक्तदान शिबिराचे आयोजन केले आहे . तसेच महिलांसाठी खास हळदी कुंकू समारंभ ठेवला आहे. व हळदी कुंकू समारंभा बरोबरच महिलांसाठी काही स्पर्धाही घेतल्या जाणार असल्याचे या कार्यक्रमाचे आयोजक सौ. शिंगटे मॅडम यांनी जनता एक्सप्रेस मराठी न्यूजशी बोलताना सांगितले. या सर्व कार्यक्रमासाठी प्रमुख उपस्थिती श्री. अरुण दादा शिंगटे (चेअरमन श्री हनुमान विद्यालय अवसरी) यांची असणार आहे. रक्तदान शिबिर व हळदीकुंकू समारंभ श्री हनुमान विद्यालय अवसरी येथे आयोजित केला आहे. तरी अवसरी व अवसरी पंचक्रोशीतील सर्व ग्रामस्थांनी व महिलांनी या कार्यक्रमासाठी आवर्जून उपस्थित राहावे असे आवाहन आयोजक सौ. शिंगटे मॅडम यांनी जनता एक्सप्रेस मराठी न्यूज मार्फत केले आहे.
