गेल्या महिन्याभरात विविध राजकीय नेते मंडळी बाबत दुर्घटना घडलेल्या आपण ऐकलेले आहेत अशाच पद्धतीची एक दुर्घटना सुप्रियाताई सुळे यांच्याबाबत घडली आहे.परंतु सुदैवाने या दुर्घटनेचा खूप मोठा काही परिणाम झालेला नाही.. पुण्यात एका कार्यक्रमात त्या आल्या असता ही घटना घडली असून यामध्ये त्या थोडक्यात बचावल्या आहेत. हिंजवडी येथील कराटे क्लासेसच्या उद्घाटनासाठी त्या उपस्थित होत्या.या कार्यक्रमात सुप्रिया सुळे प्रमुख पाहुण्या होत्या. दरम्यान उद्घाटनप्रसंगी दीपप्रज्वलन करत असताना सुप्रिया सुळे यांच्या साडीला अचानक आग लागली. उपस्थित असणाऱ्या एका व्यक्तीच्या निदर्शनास येताच लगेचच ही आग विझवण्यात आली.
यामुळे या घटनेत सुदैवाने सुप्रिया सुळे यांना कुठल्याही प्रकारची इजा झालेली नाही. दरम्यान सुप्रिया सुळे यांनी स्वतः सर्वांना शांत करत काळजी घेण्याचे आवाहन केले.विशेष म्हणजे हा कार्यक्रम आटोपताच सुप्रिया सुळे जळलेल्या साडीच्या डागासह पुढील कार्यक्रमाला गेल्या. आजच्या दिवशी त्यांचे पुण्यात भरपूर कार्यक्रम आहेत. एवढी मोठी घटना होऊन देखील ,सुप्रिया सुळेंचे पुन्हा नव्या उत्साहात दुसऱ्या कार्यक्रमाला जाणे कौतुकास्पद आहे.
