राज्यपालांच्या कोट्यातून सिनेटच्या सदस्य पदी ॲड संदीप कदम यांची नियुक्ती.

 जिल्हा शिक्षण मंडळाचे मानद सचिव अँड संदीप कदम यांची सावित्रीबाई फुले पुणे विद्यापीठाच्या अधीसभा सिनेट सदस्य पदी राज्यपालांच्या कोट्यातून नियुक्ती झाली.ॲड संदीप कदम हे नेहमीच गुणवत्तेबरोबर विद्यार्थी व शिक्षक, प्राध्यापक, शिक्षकेतर वर्ग, यांचा सर्वांगीण विकास होण्यासाठी कायमच अग्रेसर असतात.
दहावी बारावी निकाल वाढीसाठी वेगवेगळ्या योजना राबवून निकालाची पातळी कायमच अव्वल ठेवली आहे .विद्यार्थी व शिक्षक यांच्या सर्वांगीण विकासासाठी कॉमनेटिव्ह एक्सचेंजचे वर्ग संस्थेच्या विविध शाखेत सुरू केले आहेत .
त्याचबरोबर कला, क्रीडा सांस्कृतिक क्षेत्रातही वेगवेगळे उपक्रम राबवून विद्यार्थ्यांच्या कलागुणांना वाव मिळावा यासाठी ते प्रयत्न करीत असतात . यावेळी बोलताना संदीप कदम म्हणाले की,”ग्रामीण व शहरी भागात शिक्षण प्रभावीपणे राबविण्यासाठी अथक परिश्रम घेणार व मिळालेल्या संधीचा शैक्षणिक क्षेत्राच्या विकासासाठी प्रयत्न करणार” असे अँड .संदीप कदम यांनी सांगितले.