उद्या मंगळवार दिनांक 13 जून 2023 रोजी ग्रामपंचायत शेटफळ हवेली येथे जेष्ठ व वयोवृद्ध लोकांचे हेलपाटे वाचवण्यासाठी एकाच छताखाली सर्व शासकीय योजना राबविण्यात येणार आहेत.सामान्य नागरिकांसाठी अतिशय महत्त्वाची समजली जाणारा शासन आपल्या दारी हा उपक्रम उद्या होणार आहे.या उपक्रमामध्ये घरकुला संदर्भातील माहिती रेशन कार्ड संदर्भातील अडचणी सोडवणे ,आरोग्य शिबिर राबवणे ,( बीपी व शुगर ) आयुष्यमान कार्ड चे वाटप करणे, गुणवंत विद्यार्थ्यांचा सत्कार समारंभ हे कार्यक्रम शासन आपल्या दारी अंतर्गत आयोजित आहेत.तसेच नवीन आधार कार्ड काढणे,आधार कार्ड मधील दुरुस्ती करणे,शिधापत्रिकेवरील (रेशन कार्ड) नाव कमी करणे किंवा वाढवणे,संजय गांधी निराधार योजना राबवणे,श्रावण बाळ योजना वेतन योजना राबवणे ,नवीन वीज कनेक्शन घेणे, नवीन मतदार नोंदणी करणे, नवीन शिधापत्रिकेसाठी अर्ज स्वीकारणे,प्रधानमंत्री उज्वला योजना राबवणे,प्रधानमंत्री मातृ वंदना योजना राबवणे,दिव्यांग व अपंगत्व असलेल्या व्यक्तींसाठी प्रमाणपत्रासाठी ऑनलाईन फॉर्म भरणे, प्रधानमंत्री आवास योजना राबवणे, जन्म व मृत्यू याची नोंदणी व प्रमाणपत्र करणे,विवाह नोंदणी प्रमाणपत्र अर्ज स्वीकारणे इत्यादी महत्वाची कामे सोईस्कर होणार आहे.या कार्यक्रमासाठी शासनाचे प्रतिनिधी म्हणून ज्या त्या खात्याचे अधिकारी उपलब्ध होणार आहेत.तरी सर्व ग्रामस्थांनी या योजनेचा लाभ घ्यावा असे आवाहन ग्रामपंचायतीच्या वतीने केले आहे.
