शिवसेनेला संघर्ष नवीन नाही, पक्षात गद्दारीला स्थान नाही-सुनील शिंदे.

वैभव पाटील :पालघर जिल्हा प्रतिनिधी 9850868663
दि.05 नोव्हेंबर रोजी दुपारी पालघर लोकसभेचे नवनिर्वाचित संपर्कप्रमुख शिवसेना विधानपरिषद आमदार आदरणीय शिवसेना नेते मा. सुनिल शिंदे साहेब ह्यांचा सत्कार समारंभ मच्छिमार समाज हॉल पालघर येथे आयोजित केला होता त्यावेळी सुनील शिंदे यांनी कार्यकर्त्यांना मार्गदर्शन करत असताना येणाऱ्या जिल्हा परिषद, पंचायत समित्यांवर माजी मुख्यमंत्री आदरणीय उद्धव बाळासाहेब ठाकरे शिवसेना गटाचा भगवा झेंडा फडकवण्याचा आवाहन कार्यकर्त्यांना केले. शिवसेना हा निष्ठावंतांचा पक्ष आहे शिवसेनेमध्ये गद्दारीला स्थान नाही असे बोलून पुढील काळ हा आपलाच आहे . त्यासाठी सर्वांनी कामाला लागा असा संदेश कार्यकर्त्यांना दिला.तसेच आताच पालघर जिल्ह्यामध्ये झालेल्या ग्रामपंचायत निवडणुकीमध्ये निवडून आलेले सरपंच ,उपसरपंच व ग्रामपंचायत सदस्य यांचा सत्कार करण्यात आला.यावेळी ज्येष्ठ शिवसेना उपनेते उदय बंधू पाटील, शिवसेना उपनेत्या ज्योतीताई ठाकरे ,पालघर लोकसभा संघटक , जनार्धन(जन्यामामा) पाटील,सह संपर्क प्रमुख निलेश गंधे ,जिल्हाप्रमुख वसंत चव्हाण,पंकज देशमुख, युवासेना विस्तारक आशिष पाटील, उपजिल्हाप्रमुख राजेश कुटे, विधानसभा संघटक विदुर पाटील, तालुका प्रमुख विकास मोरे,जिल्हा युवाधिकारी राकेश पाटील,जस्विन घरत ,दिपक मोरे तालुका युवाधिकारी, शहर प्रमुख निमिष पाटील तसेच सर्व नगरसेवक, सरपंच उपसरपंच सर्व महिला आघाडी युवासैनिक कार्यकर्ते मोठ्या संख्येने उपस्थित होते .