आज दिनांक २५/११/२०२१ रोजी व्याहाळी शाळेतील इयत्ता ५ वी च्या शिष्यवृत्ती परीक्षेत पात्र ठरलेल्या विद्यार्थ्यांचा सन्मान केंद्राचे केंद्रप्रमुख संभाजी आजबे व उपस्थित शिक्षक बंधू भगिनींच्या हस्ते करण्यात आला.सन्मानाचे स्वरूप शाल,फेटा,श्रीफळ,पुस्तक, डायरी,पेन,हार असे होते.शिष्यवृत्ती पात्र विध्यार्थी श्रेयशी सतीश भोंग,वेदांत सचिन गुधाटे, ओंकार अमोल भोंग,प्रेरणा सुभाष पवार,प्रज्वल गौतम चितारे या विद्यार्थ्यांचा व विद्यार्थ्यांना मार्गदर्शन करणाऱ्या वर्गशिक्षिका जयश्री मिसाळ यांचा देखील सन्मान करण्यात आला.तसेच व्यहाळी केंद्रातील गडद शाळेचे मुख्याध्यापक गणेश लाळगे व अर्चना लाळगे मॅडम यांचा चि.राघव गणेश लाळगे याने देखील इयत्ता ८ वी च्या शिष्यवृत्ती परीक्षेत घवघवीत यश संपादन केल्यामुळे त्याचा देखील सन्मान करण्यात आला सोबत व्याहाळी शाळेचे मुख्याध्यापक व सर्व शिक्षकांचा सन्मान करण्यात आला.केंद्रप्रमुख संभाजी आजबे साहेबांनी उपस्थित मुलांना व पालकांना मार्गदर्शन केले.शिष्यवृत्ती पात्र विद्यार्थी वेदांत गुधाटे याने मनोगत व्यक्त केले.सूत्रसंचालन व संयोजन माजी चेअरमन व विद्यमान संचालक किरण म्हेत्रे यांनी केले तर आभार व्याहाळी शाळेचे मुख्याध्यापक चंद्रकांत रामाने यांनी मानले.कार्यक्रमास व्याहाळी केंद्रातील शिक्षक,पालक उपस्थित होते.सदर कार्यक्रम कोरोनाचे नियम पाळून पार पडला.
