वैभव पाटील : पालघर जिल्हा प्रतिनिधी
सफाळे नजीक असलेल्या मांडे विठ्ठलवाडी ग्रुप ग्रामपंचायतवर ब.वि. आ.पुरस्कृत परिवर्तन पॅनलचे सरपंच पदी महेंद्र पाटील विराजमान झाले असून हर्षद भोईर यांची उपसरपंच पदी बिनविरोध निवड झाली आहे. सदर निवडणूक अध्यासी अधिकारी एम. एम. शेख यांच्या उपस्थितीत शांततेत पार पडली असून सर्व सदस्यांनी एकमताने आणि आनंदाने हर्षद भोईर यांना पसंती दिली. त्यावेळी सदस्य श्रीधर म्हात्रे, मनीषा पाटील, किशोर गिराणे, रेखा भोईर, निलेश जाधव, प्रणाली भोपी, कल्पिता शेलार, पूजा जाधव यांनीही सरपंच उपसरपंचांचे भरभरून कौतुक केले.
ग्रामसेविका प्रतीक्षा पाटील यांनी नवनिर्वाचित सरपंच , उपसरपंच व सर्व सदस्यांचे पुष्पगुच्छ शॉल व श्रीफळ देऊन यथोचित स्वागत व सत्कार केला. तसेच सर्वांना पुढील वाटचालीसाठी शुभेच्छा प्रदान केल्या.कार्यालयाबाहेर आपल्या उमेदवारांचे अभिनंदन करण्यासाठी कामनिष राऊत व त्यांचे कार्यकर्ते तसेच ग्रामस्थांनी मोठी गर्दी केली होती.
1)ग्रामपंचायत नाव-सफाळा
उपसरपंच नाव-राजेश उर्फ बंटी रमेश म्हात्रे
पक्षाचे नाव-बहुजन विकास आघाडी
2)दारशेत उंबरपडा ग्रुप ग्रामपंचायत
उप सरपंच नाव – योगेश रामजी डोवला
पक्ष श्रमजीवी संघटना
3)ग्रामपंचायत नाव:- ग्रुप ग्रामपंचायत तांदुळवाडी/उचावली
उपसरपंच नाव:-सौं. आस्था अजय सोगले
पक्षाचे नाव:- आदिवासी, कुणबी, आगरी एकता पॅनल (पुरस्कृत )
4)ग्रुप ग्रामपंचायत कमारे उपसरंच नाव – संदीप कमलाकर चव्हाण
पक्ष-भुमिसेना-श्रमजीवी संघटना युती
5)ग्रामपंचायत नाव-करवाले
उपसरपंच नाव- चंद्रकांत हिरा दळवी
पक्षाचे नाव-शिवसेना (शिंदे गट)
6)ग्रुप ग्रामपंचायत-वेढी मांजुलीऀ
उपसरपंच -सौ.नेहा वैभव वैती,
पक्ष-अपक्ष
7) ग्रुप ग्रामपंचायत तिघरे आंबोडे
उपसरपंच – सौ प्राजक्ता प्रभाकर किणी
8) ग्रुप ग्रामपंचायत वसरे खडकोली
उपसरपंच- भूपेंद्र नाईक
