वैभव पाटील: प्रतिनिधी
दि.20 सप्टेंबर पालघर जिल्हा विज्ञान व गणित अध्यापक मंडळाचे अध्यक्ष संतोष कृष्णा पावडे यांची पुणे येथे पार पडलेल्या वार्षिक सर्वसाधारण सभेत पालघर जिल्हा प्रतिनिधी म्हणून कार्यकारी मंडळावर महामंडळाचे अध्यक्ष दत्ता आरोटे यांच्या अध्यक्षतेखाली संपन्न झालेल्या सभेत करण्यात आली.
संतोष पवाडे हे 12 वर्षे डहाणू विज्ञान मंडळाचे अध्यक्ष होते,गेली 6 वर्षे ते जिल्हा अध्यक्ष म्हणून कार्यरत आहेत. त्यांच्या मार्गदर्शनाखाली डहाणू तालुक्यातील अनेक प्रकल्प राज्यस्तरावर निवडले गेले आहेत.डहाणू तालुक्यातील विज्ञान मंडळ आयोजित विज्ञान जत्रा म्हणजे विद्यार्थ्यांना एक आगळी वेगळी पर्वणी असते.त्यांनी पुढाकार घेऊन जिल्यातील तालुक्यांमध्ये तालुका विज्ञान/गणित मंडळे स्थापन करून गणित ,विज्ञान अध्यापकांस एकत्र आणून त्यामाध्यमातून ग्रामीण भागातील गरीब विद्यार्थ्यांना ते मार्गदर्शन मिळवून देतात.
संतोष पावडे हे पालघर ठाणे जिल्हा मध्यामिक शिक्षकसंघ सहकारी पतपेढी चे अध्यक्ष तसेच सूर्यवंशी क्षत्रिय ज्ञातीहित वर्धक मंडळाचे अध्यक्ष म्हणूनही कार्यरत आहेत,त्यांच्या निवडीबद्दल त्यांचे सर्व स्तरातून अभिनंदन होत आहे.
