महात्मा फुले विद्यालय वरकुटे खुर्द या विद्यालयाच्या शिरपेचात मानाचा तुरा. लिपिक सुग्रीव आप्पा शिंदे यांचा गुणवंत लिपिक पुरस्काराने सन्मान.

इंदापूर तालुका माध्यमिक व उच्च माध्यमिक शाळा मुख्याध्यापक संघ यांच्या विद्यमाने गुणवंत मुख्याध्यापक शिक्षक शिक्षकेतर कर्मचारी यांना श्री छत्रपती हायस्कूल भवानीनगर या ठिकाणी पुरस्कार देण्यात आले. यावेळी तालुक्यातील गुणवंत शाळेतील गुणवंत शिक्षकांचा व कर्मचाऱ्यांचा गौरव करण्यात आला. यावेळी वरकुटे खुर्द ग्रामविकास प्रतिष्ठान संचलित महात्मा फुले विद्यालय वरकुटे खुर्द ता. इंदापूर या विद्यालयाचे लिपिक सुग्रीव अप्पा शिंदे यांना इंदापूर तालुका माध्यमिक व उच्च माध्यमिक शाळा मुख्याध्यापक संघाचा निमगाव केतकी बीट मधील गुणवंत लिपिक हा बहुमान मिळाला आहे . त्यामुळे त्यांचे सर्व स्तरातून कौतुक केले जात आहे. इंदापूरचे गटविकास अधिकारी मा. विजयकुमार परीट व वालचंद नगर पोलीस स्टेशनचे सहाय्यक पोलीस निरीक्षक मा. विक्रम साळुंखे, पुणे जिल्हा मुख्याध्यापक संघाचे उपाध्यक्ष रामराव पाडुळे.( सर) या सर्वांच्या शुभहस्ते हा पुरस्कार त्यांना देण्यात आला.