शेटफळ हवेली || आजपर्यंत आपण माणसाचा,गाडीचा, गाईचा, यांचा वाढदिवस केलेला ऐकले होते , परंतु इंदापूर तालुक्यातील शेटफळ हवेली या गावांमध्ये चक्क कुत्र्याचा वाढदिवस मोठ्या उत्साहात साजरा करण्यात आला.इंदापूर तालुक्यातील शेटफळ हवेली या गावांमध्ये बोराटे कुटूंबीयांनी आपल्या घरातील पाळीव असणारी ‘बसंती‘ या नावाच्या कुत्रीचा वाढदिवस मोठ्या उत्साहात साजरा केला आहे.
शेतकरी कुटुंबाने पाळलेली ही बसंती एक पाळीव प्राणी नसुन ती एक घरातील सदस्य आहे असे बोराटे कुटुंबाचे म्हणणे आहे.बंसतीच्या वाढदिवसानिमित्त आकर्षक सजावट, तीच्या नावाचा केक,तीला ओवाळून फटाक्यांची आतषबाजी करण्यात आली.या वाढदिवसामुळे संपूर्ण पंचक्रोशीत चर्चेचा विषय बनला असून बोराटे कुटुंबीयांनी पाळीव प्राण्यांनावरती दाखवलेल्या आपुलकी व प्रेमाबद्दल त्यांचें सर्वत्र कौतुक होत आहे. यावेळी लहान योगिता शिंदे,आर्या शिंदे,माऊली शिंदे याबरोबरच घरातील सर्व सदस्य उपस्थित होते..
