दुःखत घटना: विद्युत प्रवाहाची केबल तुटुन पडल्याने 32 शेळ्यां-मेंढ्यांचा जागीच मृत्यू  

करमाळा: विद्युत प्रवाहाची केबल तुटुन शेळ्यांच्या गोठ्यावर पडल्याने 32 लहान मोठ्या शेळ्यां-मेंढ्यांचा जागीच मृत्यू झाल्याची घटना केतुर नंबर 2 येथे घडली आहे. शनिवार ता.12 या दिवशी पहाटे 5 वाजण्याच्या सुमारास हा प्रकार घडला आहे .केतरू नं.1 येथील तात्याराम कोकणे यांचा शेळीपालनाचा व्यवसाय आहे.या शेळ्यांच्या गोठ्यावरून महावितरण कंपनीचा पोल आणि या पोलवरून घरगुती वीज जोडणी केलेली केबल गेली होती ती गोठ्यावर पडली.त्या विद्युत केबलचा करंट शेळ्यांना लागला. यामुळे 32 शेळ्यां-मेंढ्यांचा जागीच मृत्यू झाला. घटनास्थळी गाव कामगार तलाठी माने यांनी भेट दिली आहे. केतुर पशुसंवर्धन विभागाचे डॉ.सोमनाथ खरात यांच्याकडून शवविच्छेदन करण्यात आले आहे. नुकसानीची सरकारकडून भरपाई मिळावी अशी मागणी कोकणी या कुटुंबाने केली आहे.