इंदापूर :छत्रपती संभाजी महाराज जयंती अवसरी मध्ये उत्साहात साजरी करण्यात आली. या जयंती मध्ये जयंतीला होणारा अनाठायी खर्च टाळून श्री हनुमान कुस्ती आखाडा अवसरी यांच्यातर्फे जयंतीनिमित्त शिवविचार सांगणारे व संभाजी महाराजांचे विचार सांगणारे किर्तन ठेवले होते. या संभाजी महाराजांच्या जयंतीनिमित्त ठेवण्यात आलेल्या कीर्तनासाठी अवसरीतील बहुसंख्य लोक उपस्थित होते. प्रथम संभाजी महाराज यांच्या प्रतिमेचे पूजन करून कीर्तनाला सुरुवात झाली. कीर्तनातून सुंदर असे शिवाजी महाराज व संभाजी महाराज यांचे विचार सांगण्याचा प्रयत्न करण्यात आला. अवसरी गावाने जयंतीला होणारा अनाठायी खर्च टाळून कीर्तन ठेवल्यामुळे सर्व स्तरातून श्री हनुमान कुस्ती आखाडा यांचे विशेष कौतुक केले जात आहे .या कुस्ती आखाड्याचे वस्ताद तात्यासाहेब मोरे व नवनाथ साठे यांनी व्यवस्थित नियोजन करून हा कार्यक्रम अगदी आनंदाने पार पाडण्याचे काम केले.
