प्रतिनिधी: नसीर बागवान
कुर्डुवाडी: आर पी आयच्या ( आठवले गट) वतीने युवा नेते आकाश जगताप यांच्या नेतृत्वाखाली कुर्डूवाडी मध्ये भव्य रस्ता रोको आंदोलन करण्यात आले कुर्डुवाडी.. बार्शी रोडवर,सम्राट अशोक नगर शेजारी, डॉ बाबासाहेब आंबेडकर चौकात हे आंदोलन करण्यात आले. स्वातंत्र्याला 75 वर्ष झाली तरी या देशाच्या प्रस्थापितांच्या मानसिकतेमध्ये अजूनही बदल झाला नाही. राजस्थान मधील जालौर जिल्ह्यातील सुराणा या गावात 9 वर्षाचा इंद्रकुमार मेघवाल नावाच्या अस्पृश्यांच्या छोट्या बाळाने हेडमास्तरच्या मडक्यातील पाणी पिल्याने त्या हेडमास्तरने बाळाला अमानुष बेदम मारहाण केल्याने मुलगा मरण पावला. यवतमाळ मध्ये अस्पृश्य समाजाने आपल्या हळदीच्या कार्यक्रमात डॉ आंबेडकरांची गाणी लावल्याने त्यांच्यावर बहिष्कार घातला. तसेच दादर येथील इंदू मिलच्या जागेवर पूर्वी मान्य केल्याप्रमाणे हातात संविधान असलेला 350 फुट उंचीचा डॉ बाबासाहेब आंबेडकरांचा भव्य पुतळा झालाच पाहिजे, राजस्थान मधील घटनेतील आरोपींना फाशीची शिक्षा झालीच पाहिजे,इथून पुढे मागासवर्गीयावर अन्याय अत्याचार होता कामा नयेत. या व इतरही मागण्यासाठी आजचा रस्ता रोको करण्यात आला होता.सदर प्रसंगी सविताताई जगताप, जयश्रीताई माने, जयश्रीताई झिंगळे, शिलाताई रजपूत, विमलताई डांगे,सौदागर ताकतोडे, अर्जुन गाडे इत्यादींनी अत्याचाराविरुद्ध च्या आपल्या भावना व्यक्त केल्या. यावेळी आकाश जगताप, बाळासाहेब शेंडगे, सुहास शेंडगे, राजाभाऊ दणाणे,रामचंद्र डांगे,विवेक वाघमारे, दशरथ कांबळे,गणेश समदाडे , पोपटराव भालके, पाटोळे साहेब, भीमसेन मिसाळ सर,सत्यवान जगताप, मिलिंद चव्हाण, प्रविण जगताप, हनुमंत जगताप, संजय तुपारे, सुनील कुमार शिंदे सर,इत्यादी एसी, एसटी, ओबीसी व मुस्लिम बांधव व भगिनी फारच मोठ्या प्रमाणात उपस्थित होते.कुर्डुवाडी पोलीस स्टेशनचे ए. पी. आय. माननीय विक्रम बोधे साहेब आणि त्यांच्या स्टाफने चोक बंदोबस्त ठेवला होता.
