भाजपचे सातारा जिल्हाध्यक्ष आमदार जयकुमार गोरे यांच्या गाडीला भीषण अपघात झाल्याची माहिती समोर आली आहे.फलटण जवळील पुणे पंढरपूर रस्त्यावर मलठण येथील स्मशानभूमीजवळ ही घटना घडली आहे.
फॉर्च्युनर गाडीवरील चालकाचे नियंत्रण सुटल्याने हा अपघात झाला असून यात गाडी पुलावरून ५० फूट खोल खड्ड्यात जाऊन कोसळली आहे.हाती आलेल्या माहितीनुसार,पहाटे 3 वाजून 30 मिनिटांच्या सुमारास हा अपघात झाला.
ही घटना घडली त्यावेळी गाडीमध्ये आमदार जयकुमार गोरे यांच्यासह चार जण प्रवास करत होते.या घटनेत आमदार जयकुमार गोरे हे जखमी झाले आहेत.गाडीमधील 4 जण गंभीर जखमी झाले आहेत, या घटनेमुळे सर्वत्र खळबळ माजली आहे..आ.जयकुमार गोरे यांना पुण्यातील रूबी हॉस्पिटल मध्ये उपचारासाठी दाखल करण्यात आले आहे. या घटनेची माहिती मिळताच पोलीस घटनास्थळी दाखल झाले असून तपास सुरू आहे.
