18 जुलै 2022 रोजी हरभजन सिंग ने आम आदमी पक्षाकडून राज्यसभेवर खासदारकीची शपथ घेतल्यानंतर सध्या त्याचा महाराष्ट्र दौरा सुरू केल्याची माहिती मिळत आहे. हा दौरा राजकीय नसून पर्यटनाच्या दृष्टीने असल्याचे बोलले जात आहे हरभजन सिंग मे पाटीलवाडा येथे बसून महाराष्ट्रीयन पदार्थावर जामताव मारला आणि विशेष म्हणजे महाराष्ट्रीयन पद्धतीने हरभजन सिंग ने पाटावर बसून जेवण केले.
भारताचा माजी ऑफ स्पिनर हरभजन सिंग नाशिक जिल्हयामध्ये आला होता हरभजन सिंगचे नाशिक मधले काही फोटो आता सोशल मीडियावर व्हायरल होत आहेत या फोटोमध्ये तो स्वतः चुलीवरील जेवण बनवताना दिसत आहे. त्रिंबकरोडच्या हॉटेल संस्कृतीमध्ये हरभजन आला होता. या हॉटेलमधले आपले गाव ,बलुतेदार, पाटील वाडा, गड, किल्ले आणि गणपती मंदिर पाहून हरभजन सिंग ने समाधान व्यक्त केले. यावेळी महाराष्ट्र आणि महाराष्ट्राची संस्कृतीचा मला अभिमान आहे महाराष्ट्रातल्या लोकांनी माझ्यावर खूप प्रेम केला आहे असेही त्याचे मत आले.
यावेळी या हॉटेलच्या संचालक दिग्विजय शिवाजी मानकर यांनी हॉटेलच्या विविध उपक्रमाबद्दल ची माहिती दिली हरभजनसिंग ने ही पाटील वाडा येथे बसून महाराष्ट्रीयन पदार्थांवर ताव मारला.हरभजन सिंगने क्रिकेटच्या सगळ्या प्रकारामधून निवृत्ती घेतली आहे. यानंतर त्याने राजकारणात प्रवेश केला.
18 जुलै 2022 ला हरभजनने आम आदमी पक्षाकडून राज्यसभा खासदारकीची शपथ घेतली.भारताने 2007 चा टी-20 वर्ल्ड कप आणि 2011 चा वनडे वर्ल्ड कप जिंकला. या दोन्ही वर्ल्ड कपमध्ये भारताच्या विजयात हरभजन सिंगने मोलाची भूमिका बजावली होती.हरभजन सिंग भारताकडून 103 टेस्ट, 236 वनडे आणि 28 टी-20 मॅच खेळला. यात त्याने टेस्टमध्ये 417, वनडेमध्ये 269 आणि टी-20 मध्ये 25 विकेट घेतल्या. कोलकात्याच्या इडन गार्डनमध्ये ऑस्ट्रेलियाविरुद्ध झालेल्या ऐतिहासिक टेस्टमध्ये हरभजनने हॅट्रिक घेतली होती.
आयपीएलमध्येही तो बराच काळ मुंबई इंडियन्ससोबत होता, यानंतर तो चेन्नई सुपर किंग्स आणि केकेआरकडून खेळला. आयपीएलच्या 163 सामन्यांमध्ये त्याने 150 विकेट घेतल्या आहेत. अशा या महान क्रिकेटरने नाशिक जिल्ह्यात येऊन महाराष्ट्रीयन पद्धतीच्या जेवणावर ताव मारला याचीच चर्चा सोशल मीडियावर व्हायरल होती.
