इंदापूर:आज इंदापूर नगर परिषदेमार्फत आझादी का अमृत महोत्सव या कार्यक्रमा अंतर्गत कचरा अलग करो अमृतमहोत्सव शहरात राबविण्यात आला. त्यावेळी कचरा वर्गीकृत करणाऱ्या नागरिकांचा नगर परिषदेमार्फत तुळशीचे रोप, सन्मानपत्र व गुलाबाचे पुष्प देऊन नगराध्यक्षा अंकिता शहा व मा.मुख्याधिकारी रामराजे कापरे यांनी त्यांचा सन्मान केला तसेच घंटागाडी वरील कर्मचाऱ्यांना कचरा वर्गीकरण करण्याचे प्रशिक्षण देण्यात आले.
नगरपरिषद मार्फत घंटागाडी ड्रायव्हर व हेल्पर यांचाही सन्मान करण्यात आला. शहरातील नागरिकांना व महिलाभगिनींना मा.नगराध्यक्षा यांनी कचरा वर्गीकरण करून द्यावा, अन तो इतर कोठेही टाकू नये व इंदापूर शहर हरित, स्वच्छ ,सुंदर ठेवण्यास हातभार लावावा असे आवाहन त्यांनी यावेळी केले. सदर कार्यक्रमास इंदापूर तालुका शिक्षण मंडळाचे सचिव मुकुंद शेठ शहा,आरोग्य सभापती मा.श्री. अनिकेत वाघ,सभा अधीक्षक श्री.गजानन पुंडे, स्वच्छ सर्वेक्षण व वसुंधरा अभियान नोडल ऑफिसर गोरक्षनाथ वायाळ, व नगरपरिषदचे अधिकारी व कर्मचारी यांनी कार्यक्रमास उपस्थिती लावली.