इंदापूर: राज्याचे उच्च व तंत्र शिक्षण मंत्री तथा पुणे जिल्ह्याचे पालकमंत्री चंद्रकांतदादा पाटील यांनी इंदापूर शहरासाठी लोकशाहीर अण्णाभाऊ साठे नागरी विकास कार्यक्रम व महाराष्ट्र सुवर्ण जयंती नगरोत्थान महाअभियान योजना (जिल्हास्तर) अंतर्गत मंजूर केलेल्या १३ कोटी रुपयांच्या विविध विकास कामांचे भूमिपूजन माजी मंत्री हर्षवर्धन पाटील यांच्या हस्ते रविवार दि. 18 जून रोजी करण्यात आले असून या विकास कामांतर्गत महाराष्ट्रातील पहिले सर्वात मोठे योगभवन इंदापूरमध्ये होणार असल्याने नागरिकांनी आनंद व्यक्त केला.
राज्याचे मुख्यमंत्री एकनाथ शिंदे व उपमुख्यमंत्री देवेंद्र फडणवीस तसेच पुणे जिल्ह्याचे पालकमंत्री चंद्रकांतदादा पाटील , राज्याचे माजी मंत्री हर्षवर्धन पाटील यांच्या नेतृत्वाखाली इंदापूर शहर परिसरात विविध विकास कामे मंजूर करण्यात आली असून आज या सर्व कामांचा शुभारंभ इंदापूर शहरवासीयांच्या उपस्थितीमध्ये झाला.इंदापूर शहर भारतीय जनता पक्षाच्या वतीने बाईक रॅली काढून शहरातील विविध विकास कामांचा शुभारंभ करण्यात आला.माजी मंत्री हर्षवर्धन पाटील बाईक रॅलीत सहभागी झाले होते. अनेक युवक कार्यकर्ते आपल्या टू व्हीलरवर हर्षवर्धन पाटील यांना बसवून शहरातील विविध विकास कामांच्या ठिकाणी घेऊन जात होते.या विकास कामामध्ये तहसिल कार्यालय ते इजगुडे पंप पर्यंत रस्ता , नॅशनल हायवे बुलेट शोरुम ते डॉ.रुपनगर हॉस्पीटल ड्रेनेज व रस्ता ,शंभर फुटी रोड प्रशासकीय भवन शेजारी इंदापूर योगभवन , महात्मा फुले शॉपिंग सेंटर नॅशनल हायवे ते मंगेश पाटील हॉस्पीटल १०० फुटी रोड करणे, साहित्यरत्न लोकशाहीर आण्णाभाऊ साठे नागरी वस्ती सुधार योजना अंतर्गत डॉ.आबेडकरनगर व साठेनगर मधील स्मशानभूमी सुशोभिकरण करणे , साहित्यरत्न लोकशाहीर आण्णा भाऊसाठे नागरी वस्ती सुधार योजना अंतर्गत ज्योतीबा माळ स्मशानभूमी ते हनुमंत कांबळे घर ते विलास मखरे घर ते शिवाजी मखरे घरापर्यंत अंडरग्राउंड ड्रेनेज करणे, साहित्यरत्न लोकशाहीर आण्णा भाऊसाठे नागरी वस्ती सुधार योजना अंतर्गत डॉ.आबेडकरनगर मध्ये समाज मंदीराचा दुसरा मजला बांधकाम करणे, साहित्यरत्न लोकशाहीर आण्णा भाऊसाठे नागरी वस्ती सुधार योजना अंतर्गत नागझरी मळा रोड येथे अविनाश मखरे घर ते गायकवाड घर ते पुणे सोलापूर बंदिस्त गटार व रस्ता, नगरपरिषद इमारत पाठीमागे बाजारातळ येथील मंडईमध्ये अंतर्गत रस्ते करणे , दत्तनगर अंतर्गत ते कदम सभागृह ते बोरा हाईटस ते वडारगल्ली शौचालय पर्यंत ड्रेनेज करणे , साहित्यरत्न लोकशाहीर आण्णा भाऊसाठे नागरी वस्ती सुधार योजना अंतर्गत प्रभाग १ डॉ. आंबेडकर वसाहत विलास मखरे घर ते रामचंद्र मखरे घर पाथवे करणे , प्रभाग १ मध्ये भैरोबानगर येथे अंतर्गत रस्ते वड्रेनेज करणे , रत्नप्रभा हाऊसिंग सोसायटी ( जैन मंदिर शेजारी) ड्रेनेज स्ट्रीट लाईट व ड्रेनेज इत्यादी विकास कामांचा यामध्ये समावेश असून राज्याचे माजी मंत्री हर्षवर्धन पाटील यांच्या हस्ते या सर्व कामांचा शुभारंभ करण्यात आला.
अनेक मान्यवरांनी यावेळी आपल्या मनोगतात माजी मंत्री हर्षवर्धन पाटील यांचे आभार मानले.माजी नगराध्यक्ष अशोक इजगुडे , उपनगराध्यक्ष धनंजय पाटील , माजी नगरसेवक शेखर पाटील , इंदापूर भारतीय जनता पक्षाचे शहराध्यक्ष शकीलभाई सय्यद , दत्तात्रेय अनपट, इंदापूर अर्बन बँकेचे नूतन संचालक स्वप्नील सावंत, दादा पिसे, बबन शेटे सर, सागर गानबोटे, ललेंद्र शिंदे तसेच या कार्यक्रमास मोठ्या संख्येने पदाधिकारी ,नगरसेवक , कार्यकर्ते उपस्थित होते.
कार्यक्रमाचे प्रास्ताविक नगरपालिकेचे गटनेते नगरसेवक कैलास कदम यांनी केले. आभार प्रा. सुनिल सावंत यांनी मानले.
Home Uncategorized इंदापूर शहरात 13 कोटी विकास कामांसह होणार महाराष्ट्रातील पहिले सर्वात मोठे योगभवन...